Read Free Online Dilair Mujrim Part-2 By Ibn-E-Safi

Dilair mujrim part 1 me hamne padha ki savita devi ke mana karne pr bhi shokat apne clinic chala jata hai.Dusri tarf savita devi ek anjan aor rahasmay admi se jhagda karti hain.

DILAIR MUJRIM PART-2 BY IBN-E-SAFI

doosare din subah 8:00 baje, jab Doctor shaukat vaapas aaya to usane naukaraanee ko jaroorat se jyaada pareshaanee aur bechainee mein paaya.
poochhane par maaloom hua ki savita devee apanee dainik charya ke vipareet, abhee so rahee hain. halaanki unaka hamesha se niyam tha ki subah lagabhag 5:00 baje uthakar pooj -paath mein vyast ho jaatee thee.
shaukat bhee is baat ko lekar chintit ho utha tha, lekin phir usane socha raat mein jyaada der tak jaagee hongee.
usane naukaraanee ko ek itmeenaan dilaakar naashta lagaane ko kaha. 9:00 baje gae,ab shaukat kee chinta badh gaee. usane daravaaja peetana shuru kiya lekin bekaar! andar se koee aavaaj nahin aayee.
aakhir mein thak haarakar us ne badhaee bulavaaya. daravaaja khulate hee usakee cheekh nikal gaee.
savita devee sir se paanv tak kambal odhe chit letee thee – aur unake seene mein ek khanjar is tarah par paibast tha ki sirph muth najar aa rahee thee. bistar khoon se tar tha.

Majboot Dil Ka Aadmee

Doctor shaukat ek majaboot dil ka aadamee hote hue bhee, thodee der ke lie behosh ho gaya. phir vah bachchon kee tarah sisakiyaan le le kar rone laga

saare ghar mein shokaakul vaataavaran upasthit ho gaya tha. kasbe ke thaane par soochana dee ja chukee thee. aur us samay ek sab Inspector aur 2 hed kaanstebal marane vaale ke kamare ke saamane baithe mashavara kar rahe the.


naukaraanee ke bayaan par unhonne apanee jaanch padataal ke ghode daudaane shuroo kar die the.

unake khyaal mein vahee rahasyamay vyakti hatyaara tha, jo raat mein baag mein baag mein tahalata hua paaya gaya tha aur savita devee raat mein usee se jhagada kar rahee thee.
Doctor shaukat unakee jaanch padataal se santusht na tha.
jaise-jaise ve apane anubhavon ka pradarshan kar rahe the, vaise-vaise shaukat ka gussa badhata ja raha tha. vaise bhee vah apane kasbe kee pulis ko naakaara samajhata tha-isalie usane khuphiya vibhaag ke Inspector vinod ko khaasataur par bulaaya tha. aur usaka intajaar kar raha tha.
vinod un kuchh ek ispektar mein se tha jo bahut hee mahatvapoorn keson ko haath mein lete the. lekin nijee sambandhon ke aadhaar par dochtor shaukat ko vishvaas tha ki yadi use sarakaaree taur par kes na bhee saumpa gaya,to vah nijee taur parapane haath mein le lega.
lagabhag 2 ghante baad Inspector vinod apane asistent haamid ke saath vahaan pahunch gaya.
Inspector vinod 30-32 varsheey lambee chaudee shareer ka naujavaan tha.

 Inspecter Vinod Ki Khubi

usake khule maathe ke neeche do chamakeelee aankhen, usakee yogyata aur buddhimata kee nishaanee theen. usake pahanaave ke rakh-rakhaav aur taaja baanee sev se jaahir hota tha ki vah niyamon ka paaband insaan hai.
haamid ke haav bhaav mein janaanaapan kee jhalak thee. usake andaaj se maaloom hota tha ki vah avaidh ka haamid ke haav bhaav mein thee usake andaaj se maaloom hota tha ki vah phijool kee jee hujooree karane aur apanee khoobasooratee ka ijahaar karane ka aadee hai.
usane koee bahut tej, usane koee bahut tej, khushaboo vaala sent laga rakha tha. usakee umr 24 saal se jyaada na thee. lekin is chhotee umr mein vah pooree tarah buddhimata se paripoorn tha.

apanee buddhimata ke kaaran hee haamid ke sambandh vinod se dostaana the. donon kee aapasee vyavahaar se ophisar aur adheenasth ka phark karana, yadi naamumakin nahin to kathin avashy tha.

thaane ke sab Inspector aur deevaan aasha ke vipareet khuphiya vibhaag ke aphasar kee aamad par ghabara gae. unaka anaavashyak rup se aana, kuch naagavaar bhee gujara tha.
“doctor shaukat!” vinodee ne apane haath badhaate hue kaha – “yah bahut bada dukh hai. main svayan tumhaare dukh mein shareek hoon.”
“inspector!” shaukat kee aankhon se aansoo chhalak aae – “aaj meree maan mar gaee!”
“sabr karo.tumhen ek majaboot dil ka aadamee hona chaahie.” vinod nai usk kaandha thapakate hue kah.

Vinod Ki Poochtach

phir sab Inspector kee or ghoomate hue poochha – “kahie daroga jee, kuchh suraag mila?”
“are saahab! ham bechaare sulagaana kya jaane?” sab Inspector taana marate hue bola.

vinod ne javaab mein talkhee jaroor mahasoos kee,magar vah muskura kar khaamosh rah gaya.
“shaukat saahab – yah to tum jaanate hee ho ki aaj kal main chhuttee par hoon.”
vinod bola- “aur doosaree baat yah ki aamataur par qatl ke kes us taim mere paas aate hain, jab sivil pulis taphteesh mein naakaam rahatee hai.” thaane ke sab Inspector kee aankhen khushee se chamak utheen.
Inspector vinod ne usakee khushee mahasoos kar lee. phir main bola –
“lekin, main nijee sambandhon ke aadhaar par is kes ko apane haath mein loonga.”
thaane ke sab Inspector kee aankhon kee chamak is tarah gaayab ho gaee jaise sooraj ka chehara kaale badal dhak lete hain. usaka munh latak aaya.
vinodee ne ghatana sunane ke baad naukaraanee ka bayaan liya. usane saaree ghatana dohara dee.
“kya tum bata sakatee ho ki raat mein tumane un ghatanaon ke baad bhee koee aavaaj sunee thee?” vinodee ne poochha.

“jee nahee, siva usake, jo maalikin ke badabadaane kee aavaaz thee. vah aksar sote samay bhee badabadaaya karatee thee.”
“hoon….. kya tum bata sakatee ho ki vah kya badabada rahee thee?”
“kuchh arthaheen see baaten…… thahariyai….. yaad karake bataatee hoon….. haan, theek hai yaad aaya, vah raajaroopanagar….. raajaroopanagar badabada rahee thee. mainne unake laphjon par koee dhyaan nahin diya tha kyonki main unakee aadat se vaakiph thee.”
“raajaroopanagar……..” vinod dheere se badabadaaya aur kuchh sochane laga – “haamid,tumane isase pahale bhee yah naam suna hai?”
haamid ne inkaar mein sir hila diya.
“doktar shaukat, tumane…..”
“mainne aaj tak nahin suna.”
“kya savita devee ne bhee yah naam kabhee nahin liya?”
“meree yaadadaasht mein to nahin.” do shaukat ne apane jehan par jor dete hue javaab diya.
“hoon….. achchha.” vinod ne kaha ab main jara laash ka muaayana karana chaahata hoon.”
ve sab log us kamare mein aae jahaan laash padee huee thee.chaarapaee ke sirahaane vaalee khidakee khulee huee thee. usamain salaakhen nahin thee.

Dilair Mujrim Part 2 Aapko Kaisa Laga Hame Comment Ke Jariye Se Baatayen.Aage Ki Khani Agle Part Me.Agar Aapko Story Pasand Aayi,To Please Ise Facebook,Twitter,Intagram, Etc Pr Jaroor Share Karen..

To Be Continue…………

Part 3 Read Now

Leave a Reply

%d bloggers like this: