Read Free Online Dilair Mujrim Part-1 By Ibn-E-Safi

Dilair Mujrim Part-1 By Ibn-E-Safi

Jasoosi Novels Ki Duniya Main Ibn-E-Safi Ek Jana Mana Naam Hai.Jinke Likhe Gaye Novels Romanch aor Rahasy Se Bharpoor Hote hain.Pesh Hain Ibn-E-Safi duara likha Gaya Behad hi romanchak Novel. Dilair Mujrim…………

mujhe jaana hee padega maasee…. “Doctor Shokat apane kamare mein daakhil hote aur ovar kot kee doosaree aasteen mein haath daalate hue kaha. “Meshvar tumhaaree raksha karen isake siva main kah hi kya sakatee hoon.” Buree savita devee bole- “Lekin sir mein achchhee tarah maphalar lapet lo, sardee bahut hai.” Maasee Doctor shaukat bachakaana andaaj mein bola aap to mujhe bachcha hee bana de rahee hain. Maflar sir mein lapet lo ha.. ha.. ha.. achchha bade miyaan jo tumhaara jee chaahe karo savita devee munh phula kar bole. Magar main yah kahatee hoon ki yah kaisa kaam hai jisme na din ko chain na raat ko chain aaj opareshan kal opareshan.Main apanee achchhee maasee ko kis tarah samajhaoon ki doctor khud aaraam karane ke lie nahin hota. vah to doosaron ko aaraam pahunchaane ke liye hota hai. Mainne to aaj khaas taur se tumhaare liye kheer taiyaar karaee thee, ki raat ka khaana bhee shahar mein hee khaoge savita devee bole.

Kya karoon majabooree hai is samay 7:00 baj rahe hain 9:00 baje raat ko opareshan hoga kes jara naajuk hai abhee jaakar taiyaaree karanee hogee.Achchha khuda haaphiz doctor shaukat apanee chotee see khoobasoorat car mein baithakar shahar kee or ravaana ho gaya. Vah sivil hospital mein asistent sarjan kee haisiyat se kaam kar raha tha. Dimaag ka opareshan karane mein maahir hone ke kaaran usakee shoharat door-door tak thee.Haalaanki usakee umr abhee kuchh aisee na thee. Vah 24-25 varsh ka khoobasoorat aur naujavaan tha apane svabhaav aur vyavahaar ke kaaran vah sosaitee mein sammaan kee nigah se dekha jaata tha.Kurbaanee ka jajba to usaka svabhaav ban gaya tha.Us din ka opareshan vah kl pr bhi taal sakt tha. Lekin usake jameer ne gavaara na kiya tha.

Marte Wakt Apni Saheli Se Liya Waada

Ye Kahani Aap Dilair Mujrim HelloTheIndia Pr Padh Rahe Hain…..

Savita devee, usakee bhaagadaud par aksar jhalla bhee jaaya karatee theen.Unhonne use apane bete kee tarah paala tha. vah hindoo dharm ko maanane vaaleen, Ek susanskrt(kalchard) mahila theen. Unhonne apane dam todatee huee sahelee jaapharee khaanam se jo vaada kiya tha, Use vah us din tak nibhae ja raheen theen.Unhonne usake bete ko unakee vaseeyat ke mutaabik, Doctoree kee uchch shiksha dila kar is yogy bana diya tha ki vah aaj saare mulk mein achchhee khaasee shoharat rakhata tha.Halaanki shaukat kee maan usake lie achchhee khaasee rakam chhod kar rahee theen, Lekin kisee doosare ke bachche ko paalana aasaan kaam nahin.Aur bachcha bhee aisa jisaka sambandh doosare dharm se ho– duniyaavee taaleem ke saath-saath unhonne usake lie dhaarmik shiksha ka bhee prabandh kiya tha.


Doctor shaukat ke saath ek naukaraanee sahit, Vishaal nagar naam ke kasbe mein rah rahee theen, Jo shahar se 5 meel kee dooree par sthit tha. yaani ki yah unakee apane nijee kothee thee.Vah javaanee mein hee vidhava ho gaee theen. Unake pati achchhee khaasee jaayadaad ke malik the. Jo kisee najadeekee rishtedaar ke na hone ke kaaran, Pooree kee pooree unhee ke hisse mein aaee thee.Doctor shaukat ke chale jaane ke baad unhonne naukaraanee se kaha-“Mere kamare mein roshanee mat karana. main aaj shaukat ke kamare mein hee sooongee. Aaj raat bhar thakata rahega, main nahin chaahatee kee vah jab vaapas aae apane bistar ko barph kee tarah thanda pae. Jao jaakar usaka bistar bichha do.”naujavaan naukaraanee unhen hairat se dekh rahee thee.aaj pahalee baar unhen is kism kee baatacheet karate suna tha – jo bhaavukata bharee thee aur haasyapad bhee. vah kuchh kahana chaahatee thee ki phir ek mamata bharee jhak samajh kar khaamosh ho gaee.

Ajan Aadamee

“kya soch rahee ho?” savita devee bolee.
“to kya aaj raat ham akele rahenge………” naukaraanee apanee aavaaz dheemee rakhate hue bolee – “vah aadamee aaj phir aaya tha.”

” kaun aadamee…….?”
“main nahin jaanata ki vah kaun hai! lekin mainne kal raat mein bhee use baag mein chhup-chhupakar chalate dekha tha. kal to main samajhee thee ki vah shaayad koee raasta bhoola hua rahegeer hoga. magar aaj 6:00 baje the kareeb vah.” phir dikhaee diya tha.

“achchha!” savita devee soch kar bolee – “vah shaayad hamaaree murgiyon kee taak mein hai. main subah hee thaane ke deevaan se kahoongee.” yah kahakar savita devee ne naukaraanee ko to itameenaan dila diya, lekin khud ulajhan mein pad gayeen.

aakhir vah rahasyamay vyakti unakee kothee ke aasapaas kyon mandaraata rahata hai? unhen apane majahabee thekedaaron kee dhamakiyaan achchhee tarah yaad theen. lekin, itane arase baad unakee or se koee kadam uthaane kee baat samajh mein na aatee thee.

Kya Wah Koi Dilair Mujrim Hai Aor Intna Dilair Hai Ki Meri Kothi Tak Pahunch Gaya Hai,Is trah kee na jaane kitanee pratiyaan unake jahan mein rahengee theen. aakhir thak haar kar unhen apane pahale hee khyaal kee or laut aana pada.

yaanee vah koee maamoolee chor tha, jise unakee murgiyaan pasand aa gaee thee. jaise hee ghadee ke ghante mein 10:00 bajaaye, vaise hee vah sone ke lie shaukat ke kamare mein chalee gaee. unhonne raat ka khaana bhee nahin khaaya.

naukaraanee unake svabhaav se parichit thee. isalie usane unase jyaada isaraar bhee nahin kiya.
thodee der baad vah bhee sone ke lie apane kamare mein chalee gaee. vah letane hee vaalee thee ki usane mukhy daravaaje ko dhamaake ke saath band hote suna usane socha ki Doctor shaukat aasha ke vipareet vaapas aa gae hain,vah baraamade mein nikal aaee.

baag mein savita devee kee gusseli aavaaj sunaee dee- vah kisee se oonche svar mein baat kar rahee thee. naukaraanee hairat se sunane lagee. vah bhee baahar jaane ka iraada kar hee rahee thee ki savita devee badabadaatee huee aatee dikhaee dee.

“tum……?” vah bolee- “aur ladakee too kyon apanee jaan ke peechhe padee hai? sardee mein bagair kambal odhe baahar nikal aaee? na jaane kaisee hain aajakal kee ladakiyaan.”

“kaun tha” naukaraanee ne bhayabheet svar mein poochha -“vah aadamee to nahin tha?”

“nahin. vah nahin tha.sardee bahut hai, subah bataoongee. achchha, ab jao.” naukaraanee vismayajanak bhaav mein chalee gaee. ho sakata tha maamala yoon hee raha ho, parantu vah use khaasa rahasyamay prateet ho raha tha. thodee der baad vah kharraate lene lagee.

Dilair Mujrim Part 1 Aapko Kaisa Laga Hame Comment Ke Jariye Se Baatayen.Aage Ki Khani Agle Part Me.Agar Aapko Story Pasand Aayi,To Please Ise Facebook,Twitter,Intagram, Etc Pr Jaroor Share Karen..

To Be Continue…………Part 2

Leave a Reply

%d bloggers like this: